Kokainë dhe miliona euro për shqiptarët në Hollandë. Mësohet se një sasi prej 13 kilogram kokainë dhe miliona euro janë sekuestruar nga policia holandeze në Amsterdam. Kanë qënë dy shqiptarë që ju është sasia e konsiderueshme e kokainës dhe paratë e përfituara nga trafikimi i saj, ndërsa kanë përfunduar në pranga.
Në momentin e ndalimit të dy shqiptarëve në Amstërdam, gjithashtu policia ka gjetur 1.3 milion euro para të gatshme të fshehur në një hapësirë të fshehtë në një gomë rezervë të një makine.
Ndërsa efektivët e policisë gjetën në banesën e njërit prej shqiptarëve sasinë prej 13 kg kokainë. 36 vjeçari u përpoq më kot të arratisej nga dera e prapme e banesës, por nuk ia arriti.
Ndërkohë, mediat vendase shkruajnë se të arrestuarit janë nga Shqipëria. Hetimi penal ndaj tyre ka nisur në muajin korrik dhe gusht, ndërsa operacioni nisi këtë të premte në dy zona.
Policia arrestoi edhe dy të tjerë, një burrë 36 vjeçar dhe një grua 20 vjeçare, pas një bastisje në një shtëpi në lagjen “Slotervaart”. Nga bastisja u gjetën edhe 40 mijë euro para të gatshme. Zbulimi i parave u bë nga një qen nuhatës. Sasia e parave u gjet e fshehur në një vend të krijuar posaçërisht.