Bizneset shqiptare se nuk janë dashamirës për të punësuar të huaj në raport me ata të shteteve të tjera të rajonit. Kjo mund të ketë një shpjegim, pasi vendet e punës në Shqipëri janë me pikatore.

Sipas studimit të Barometrit të Ballkanit vetëm 33% e bizneseve shqiptare do të punësonin nga vendet fqinje, krahasuar me 51% të sipërmarrjeve serbe, 50% të boshnjakeve, 49% të maqedonaseve, 46% të malazezeve dhe 44% të kosovareve. Në lidhje me kombësitë, sipërmarrësit shqiptarë preferojnë të punësojnë persona nga Mali i Zi, ndërsa Kosova do më tepër punonjës nga Shqipëria.
Pas Kosovës, më shumë punëtorë shqiptarë do Maqedonia e Veriut, Bosnjë dhe më pak në Serbia.
Gjithësesi në krahasim me vitin 2017 në 2018, bizneset ballkanase janë më pak të predispozuara që të punësojnë punëtorë të huaj. Kompanitë e mëdha dhe eksportuesit kanë më shumë gjasa të punësojnë njerëz nga jashtë.
Serbia dhe Bosnja e Hercegovina preferojnë të shkëmbenin punëtorë me njëri-tjetrin, 85% e kompanive serbe do të punësonin punëtorë boshnjakë dhe 87% e kompanive boshnjake do të punësonin punëtorë serbë.
Punëtorët serbë gjithashtu janë shumë të preferuar nga Republika e Maqedonisë Veriore dhe nga kompanitë malazeze.