Shqiptarët kanë kapur shifrat rekord për azil me 86.000 kërkesa vetëm në dy vjet. Kanë qëndruar në krye të listës për kërkesat e azilit në Gjermani dhe Holandë.

ABC News ka siguruar të dhëna nga zyra e statistikave europiane EUROSTAT, për të krahasuar këto vite me vitet paraardhëse.
Por krahasimi i shifrave ka kaluar çdo pritshmëri, pasi Shqiptarët në dy vitet e fundit kanë qenë më të shumtë në numër sesa 3 dekada marrë sëbashku. Në vitin 2014 dhe 2015 ka patur 86.000 kërkesa për azil, krahasuar me 64.000 kërkesa nga 1985 deri në 2013.

Kjo bën që në vetëm dy vitet e fundit ka patur 23.415 kërkesa me shumë sesa 3 dekadat paraardhëse.
Pavarësisht që shanset për azil në vendet të Europës janë pothuajse zero dhe thirrjeve për të mos ikur nga Shqipëria, situata nuk ka ndryshuar për mirë. Muajt e kaluar në Gjermani kishte një rritje të lehtë të kërkesave të azilit dhe në Holandë shqiptarët kaluan dhe sirianët.
Gjithësesi të dy vendet, ku fenomeni i kërkesave të azilit nga shqiptarët ndjehet më shumë, kanë organizuar fluturime me deportime të detyrueshme duke kthyer mbrapsht shumë shqiptarë.