Problemet me të cilat po përballen shqiptarët, nga ato ekonimike deri dhe politike, kanë bërë që tek ta të shtohet ankthi dhe depresioni. Në Shqipëri, ankthi është çrregullimi mendor më i përhapur, ku 3.56% e popullsisë është e prekur. Së bashku me Malin e Zi mbajmë vendin e parë për përhapjen e këtij çrregullimi mendor në rajon. 

Në vend të dytë me përqindjen më të lartë janë të sëmurët me depresion, të cilët përbëjnë rreth 2.45% të totalit të popullsisë shqiptare.
Më pas vijnë të varurit nga alkooli që janë rreth 1.67% e popullsisë, të ndjekura nga çrregullimet bipolare rreth 0.67% dhe më tej vijojnë të varurit nga droga dhe ata që vuajnë nga sëmundja e rëndë mendore e skizofrenisë.
Pra, në total rreth 13.8% e popullsisë të vendit tonë është e prekur nga sëmundje të shëndetit mendor.
Për sa i përket ankthit, në botë ai është më i përhapur në vendet e zhvilluara si, Shtetet e Bashkuara të Amerikës me 6% apo në ato të Europës Perëndimore dhe Veriore, ku të prekurit me ankth përbëjnë nga 5-6% të popullatës.