Shqiptarët e jetojnë çdo ditë si të jetë e fundit. Sipas Bankës së Shqipërisë 38% e shqiptarëve shpenzojnë pa menduar të nesërmen.

Në bazë të një studimi ku u testuan njohuritë financiare të shqiptarëve , BSH tregon se gati 42% e të intervistuarve janë dakord ose plotësisht dakord me pohimin “Paratë janë bërë për t’u harxhuar”, kundrejt 36% të njerëzve që shprehen kundër këtij pohimi.

Ndërkohë vetëm 16% e individëve ishin dakord me pohimin ''Jam i gatshëm t’i shpenzoj paratë në moment ,sesa ti ruaj ato për të ardhmen'', kundrejt 67% të cilët ishin kundër.

Gjithashtu vetëm 22% e individëve ishin dakord me pohimin “Jam i/e prirur të jetoj momentin, pa u shqetësuar shumë për të nesërmen”, kundrejt 61%, të cilët priren të shqetësohen më tepër për të ardhmen.

Rezultatet e përftuara mbi tri pohimet që synojnë të matin qëndrimet financiare të të intervistuarve, analizuar sipas karakteristikave demogra-fike apo nivelit të njohurive financiare, tregojnë se ky i fundit është në marrëdhënie të zhdrejtë me prirjen për t’i harxhuar.

Gjithashtu, në përgjithësi, të intervistuarit femra, individët e moshës 35-59 vjeç, banorët e zonave urbane si dhe ata me nivel të lartë të ardhurash familjare janë më të kujdesshëm ndaj shpenzimit të parasë dhe më të prirur për t’u shqetësuar për të ardhmen.