Një plan i mirëmenduar për të hequr qafe gruan, duke i ofruar 'vrasësit me pagesë' 50 mijë euro, dështoi ndërsa dy bashkëpuntorët janë vënë në pranga të policisë. Bëhet fjalë për një 39 vjeçar me origjinë shqiptare nga Maqedonia, i cili ka kontaktuar disa ‘vrasës’ për të eliminuar bashkëshorten e tij 34-vjeçare. Për shkak të vështirësive financiare dhe problemeve martesore, burri thuhet se fillimisht i ka kërkuar ndihmë një miku për ta vrarë atë. Sidoqoftë, kur ky plan nuk funksionoi, shqiptari nuk e braktisi planin e tij dhe punësoi njerëz të tjerë për ta çuar planin deri në fund. Gazeta e Hamburgut shkruan se “qëllimi i tij të përfitonte sigurimin e jetës në shumën e 250,000 eurove. Herën tjetër, burri ka bërë marrëveshje me një 39 vjeçare për të kryer vrasjen, shoqe e bashkëshortes së tij. Ajo tanimë është vënë nën akuzë për tentativë vrasjeje dhe sulme të rrezikshme. Mësohet se shqiptari i kishte premtuar bashkëpunëtores 50,000 euro për kryerjen e vrasjes. Burri i akuzuar nga Jenfeld thuhet se ka nisur planin në fillim të vitit 2017 për të vrarë gruan e tij në mënyrë që të përfitojë pagesën e sigurimit të jetës. Së pari, ai ka kërkuar një mik për ta përndjekur gruan, por ai nuk pranoi për shkak të kontakteve personale me viktimën. Gjithsesi, ai padyshim donte të ndihmonte burrin e uritur për para, thotë prokurori, duke shtuar se ai i ofroi 39-vjeçarit që ta njohë me një “shqiptar”, i cili e bën kontratën e vrasjes për 50,000 euro. Më pas, treshja u takua disa herë. “Shqiptari” vrasës do ta merrte gruan nga rruga, por ai kërkoi paraprakisht 7 300 euro. Por plani dështoi: “Shqiptari” u zhduk nga vendi i ngjarjes dhe prishi çdo kontakt, gruaja 34-vjeçare vazhdoi të jetonte.
Të pandehurit ndoqën viktimën në Pragë dhe Spanjë

Pavarësisht dështimit të parë, burri vazhdoi planin. Ai arriti të bindte një femër që mendohet se e kishte të dashur prej një kohe të gjatë për të vrarë gruan. Për ta vënë planin në veprim, 39-vjeçari nuk kursente as përpjekje as shpenzime. Sipas prokurorëve, ajo thuhet se ka ndjekur viktimën edhe në Spanjë dhe në Pragë. Në Hamburg, ajo është përpjekur disa herë për të therur gruan me thikë, siç thotë prokurori. Por të gjitha përpjekjet për të vrarë ishin të pasuksesshme. Së fundi, thuhet se burri e ka lënë fshehurazi bashkëpunëtoren e tij në mëngjes më 29 nëntor 2017 në shtëpinë ku banonte çifti në Rodigallee në Jenfeld. Ai vetë u largua nga shtëpia dhe shkoi në punë. Gruaja u fsheh në bodrum e armatosur me një thikë dhe një pistoletë, për të kryer aktin derisa gruaja të ishte vetëm në shtëpi.

Viktima pësoi plagë në bark dhe në shpinë

Sipas prokurorëve, ajo më pas e qëllo viktimën në dhomën e gjumit disa herë me thikë. Ajo pësoi disa plagë në stomak. Megjithatë, arriti të çlironte veten nga vrasësja, duke dalë në ballkon dhe duke kërkuar ndihmë. Kalimtarët lajmëruan menjëherë policinë dhe e pandehura u arratis. Gjashtë ditë pas vrasjes në tentativë, një forcë speciale (SEK) e policisë së Hamburgut hyri në shtëpinë e çiftit në Rodigallee dhe arrestoi burrin. Disa orë më herët, bashkëpunëtorja ishte arrestuar në Eppendorf. Ata tani po përballen me procesin gjyqësor.