Edhe pse ka rrëfyer se është penduar, gjykata ka marrë vendimin dhe ka vendosur masën e sigurisë “arrest me burg” për Andrea Memollarin i cili shtypi me makinë mizorisht në Tiranë, nënën Dhurata Prifti.

 ‘’Jam penduar për ngjarjen’’, u tha gazetarëve Memollari.

Memollari ka pranuar që ka shtypur me makinë Priftin, e cila doli në rrugë për të mbrojtur dy fëmijët e saj që shpëtuan, por që fatkeqësisht nuk ia doli të shpëtonte edhe vetë.

Memollari do qëndrojë në qeli deri në përfundim të hetimeve për t’u ndeshur më tej me gjyqin ndaj tij.