Shukri Xhelili nuk e ka përballuar publikimin e videoskandalit, ku shfaqej me 20 vjeçaren duke i kërkuar favore seksuale në këmbim të një vendi pune. Në dëshminë e dhënë përpara oficerëve të policisë në dhomat e paraburgimit, Shukri Xhelili ka pranuar se ka tentuar ti japë fund jetës. Ish - kryebashkiaku mësohet se ka tentuar të mbytet në rezervuarin e Dibrës.
Por kush ka mundur që ta ndalojë Shukri Xhelilin për ti dhënë fund jetës? Ish-kryebashkiaku iu ka treguar oficerëve të policisë se ka qënë pikërisht bashkëshortja e tij që e ka ndaluar këtë gjë.
“Ishte bashkëshortja ime që më shpëtoi. Më tha se pavarësisht atyre që kishin ndodhur, ajo më mbështeste”.
Ndërkohë mësohet se 56-vjeçari ndodhet në gjendje tepër të rënduar psikologjike dhe shëndetësore dhe pikërisht për këtë gjë është caktuar që në dhomat e paraburgimit të qëndrojë i vetëm. Mësohet se Shukri Xhelilit i është caktuar dhe një psikolog dhe se në dhomën e tij nuk mund të hyjë askush përveç familjarëve.
Por dhe 20 vjeçarja është në gjendje të rënduar psikologjike. Për këtë arësye mësohet se 20 vjeçares Anisa A. i është dhënë asistencë ligjore dhe psikologjike nga Prokuroria e Përgjithshme. Ditët e fundit ajo është ftuar në Zyrën e Mbrojtjes së Viktimave të Abuzimit Seksual, të krijuar së fundmi në Prokurorinë e Përgjithshme.