Një 26 vjeçar nga Mamurrasi ka rënë një ditë më parë në pranga me akuzën trafikimit dhe shfrytëzimit të prostitucionit. Ndërsa në media është publikuar strategjia se si i riu, Dario Priftit, i fuste në kurth vajzat, të cilat më pas i dërgonte në Itali ku i shfrytëzontë për prostitucion.
Burimet mediatike bëjnë të ditur se Dario Prifti së bashku me personin tjetër të shpallur në kërkim dyshohet kanë trafikuar 2 vajza nga Tirana në Itali. Mësohet se vajzat mashtroheshin duke krijuar një marrëdhënie intime me djemtë dhe pas një lidhje disa javore ata i shfrytëzonin si prostituta.
Në rast se vajzat kundërshtonin ata i dhunonin fizikisht dhe psikologjikisht. Po ashtu Dario Prifti dhe bashkëpunëtori i tij dyshohen të jenë autorë të disa grabitjeve në Itali, kryesisht grabitje banesash.
Ndërkohë gjatë kotrollit të banesës është gjetur një makinë Ferrari dhe një tjetër e tipit “Porsche”, të fshehura në garazhin e shtëpisë së Dario Priftit.