Gazetari dhe moderatori i njohur i “Opinion”, Blendi Fevziu e ka shprehur disa herë pasionin e tij të madh për udhëtimet, dhe këtë po na e demonstron çdo ditë e më shumë. Pas mbylljes së një sezoni të suksesshëm me emisionin e tij, Fevziu ka bërë të mundur që pushimet ti kalojë në mënyrën më të mirë të mundshme. Nga jugu i vendit për në Mykonos, nga Mykonos në Sardenja, nga Sardenja në New York, dhe ndalesa e tij e rradhës është Republika Domenikane, pikërisht në një nga plazhet më të bukura të këtij shteti, Punta Cana. Ai nuk ka flutuar vetëm për në bregun lindor të Republikës Domenikane, por është i shoqëruar nga vajza e tij Mishel. Në llogarinë e tij në Instagram, Fevziu ka postuar disa foto dhe video nga ujërat e kristaltë të Punta Cana, ku ka shfaqur disa nga momentet më të bukura nga pushimet e tij.