Mbrëmjen e djeshme në ekranin e ‘Top Channel-it’ është mbajtur puntata finale e emisionit shumë të ndjekur nga publiku, “Shiko Kush Luan”. Në fund të sezonit, edhe kapitenët e skuadrave: Florjan Binaj dhe Rezart Veleshnja, iu janë përgjigjur disa pyetjeve të ndryshme.

Flori ka treguar në emision emrin e personazhit që i ka pëlqyer më shumë dhe personazhin që i ka acaruar më shumë nervat gjatë këtij sezoni në “Shiko Kush Luan”. “Do them fillimisht ata që i preferoj shumë, janë Mihrije Braha dhe Naim Abazi, cifti i paparë që realisht na mësojnë sa herë që vijnë se sa bukur është ta duash dikë dhe sa mirë ndihesh kur do dikë vërtetë”, është shprehur fillimisht ai.

Më pas ai ka zbuluar emrin e personazhit që i ka acaruar më shumë nervat dhe ka zgjedhur Butrint Imerin, i cili ishte i ftuar në emision puntatën e 1 Janarit. “Personazhin që më ka acaruar shumë nervat, do e them publikisht, është Butrint Imeri” . Dhe publiku është zhgënjyer shumë dhe thanë: “Pse ky është Butrint Imeri?”, është përgjigur Flori.