Në pritje të vendimit në ambjentet e paraburgimit në Montorio-s, në provincën e Verona-s, shqiptari Emanuel Demaj feston datëlindjen.
Ai rrezikon afro 16 vjet burg për grabitjet, që ka kryer në bashkëpunim me bandën e tij.

Foto e fundit, e tregon që ai po pret duke festuar vendimin, me pije dhe tortë.

Fotografia është përhapur në rrjetet sociale dhe shumë pyesin se si ka mundësi, që i lejohet të mbajë një celular, të ketë akses në internet dhe të mbajë kontakte me botën jashtë burgut.

Po kjo sipas mediave nuk është hera e parë, që Demajt i gjendet një telefon në qeli. Më herët, kur e kapën me celular, u zbulua se ai e përdorte për të telefonuar vëllain e tij, i burgosur në Lion të Francës.

Mediat lokale shkruajnë:“Buzëqeshja tallëse, që shfaq në fotografi është një sfidë ndaj drejtësisë italiane, një shuplakë ndaj sistemit të burgjeve, një pështymë në fytyrë të gjykatësit, që do ta dënojë”.