Mjaft e përfolur ka qenë lidhja romantike e futbollistit Eros Grezda dhe modeles seksi Oriola Marashi. Dyshja ka parapëlqyer ta konfirmojnë lidhjen duke luajtur me ndjekësit në rrjetet sociale e duke publikuar foto nga vende të njejta.

Së fundmi futbollisti ka treguar për “Vizionin e Pasdites” se ata po qëndrojnë sëbashku në Kroaci.

“Jam në shoqëri shumë të mirë, jam në shoqërinë e të dashurës dhe e kalojmë shumë bukur. Gjithmonë është më mirë ta kalosh kohën në shoqërinë e dikujt se sa vetëm,” u shpreh Grezda.

Gjithashtu, futbollisti tregoi se është në kushtet e një stërvitjeje intensive, ndaj nuk mund të agjërojë këtë vit, pavarësisht se është mysliman.