Moderatorja Arbana Osmani do të nisë shumë shpejt programin “Dua të të bëj të lumtur”, ku do të risjellë emocione dhe histori të rralla. Ajo ka zbuluar detaje nga emisioni duke ju përgjigjur pyetjeve të fansave të cilët janë interesuar mbi të ftuarit dhe historitë që do të përcillen gjatë këtij sezoni.

Arbana ka zbuluar disa të ftuar speciale, ndërsa ka ndarë me fansat e saj edhe emocionet që ndjen dhe përjetimet personale gjatë programit. Një ndihmë e veçantë për moderatoren është edhe regjisori dhe partneri i saj Eduard Grishaj.

Atë e pyesin se si është të punosh me Eduardin dhe Arbana jep një prej përgjigjeve më orgjinale që mund të dëgjonim ndonjëherë.

“Mirë është, ka raste që dua ta vras, ka raste që do të më vrasë, por në fund është i vetmi person pa të cilin nuk do ta mund ta bëja këtë emision”, shkruan ajo lidhur me raportin që ka me Eduardin.

Arbana dhe Eduardi prej kohësh përfliten për një lidhje së bashku. Ata i shohim gjatë gjithë kohës bashkë, ndërsa e mbështesin njëri tjetrin në çdo projekt të përbashkët.