E dashura modele e Bradley Cooper është kthyer në look-un e saj natyral në më pak se 24 orë pasi është shfaqur bionde.  5.3 milion ndjekësit e 30 vjeçares në Instagram kanë mbetur të habitur të shtunën e kaluar kur Irina,  e njohur për flokët e saj të zinj, postoi një foto  me një stil të ri “dramatik”.

Sidoqoftë, më pas, ajo u vu re të kishte dalë jashtë për drekë, në New York, tashmë me flokët e saj të errët duke provuar se i kishte vënë në lojë të gjithë me look-un e ri.

Modelja ruse i ka ngacmuar fansat përmes dy fotove të postuara në Instagram në njërën prej të cilave shkruante: “Kush tha  që nuk mund të jem bionde”?

Megjithatë, fansat duhet ta kenë kuptuar se look-u i saj bombë do të ishte i përkohshëm derisa ajo ka komentuar:” : “Ndonjëherë ti bëhesh edhe bionde dhe për këtë është faji yt  Mert Alas” Me sa duket i gjithë ky transformim ka qenë për një shërbim foografik me fotografin e personazheve të famshëm, Mert Alas.

Si një modele pasarelash, Irina është mësuar ta ndryshojë shpesh lookun e saj. Vetëm 6 muaj më parë ajo mbante flokë në ngjyrë portokalli me baluke përpara se t’i kthehej stilit të saj të mëparshëm.