Gjyqtari, Shyqyri Çobo që  u pezullua nga puna për shpërdorim detyre, pasi i kërkoi favore seksuale një 32-vjeçareje në proçes divorci me bashkëshortin në këmbim të vendimit gjyqësor në favor të saj e ka njohur kështu vajzën:
“Në seancën e parë mes palëve, gjyqtari Çobo dëgjoi pretendimet çiftit që po ndahej dhe caktoi një datë tjetër duke u kërkuar që të merrnin avokat. Në seancën e dytë, kallëzuesja ka qenë pa avokat dhe në përfundim gjyqtari e pyeti veçmas përse nuk kishte mbrojtës ligjor. Gruaja i tha se nuk ka mundësi financiare, kurse gjyqtari Shyqyri Çobo i tha se do t’i gjente ai një avokat që nuk kushtonte shumë. Ai i kërkoi edhe numrin e celularit për të komunikuar më pas për këtë çështje”, shkruan “Shqiptarja.com”.
Gruaja pranoi t’ia jepte dhe po atë ditë rreth orës 17 gjyqtari nuk duroi dot dhe i nisi mesazhin e parë, ku dhe filloi ti fliste për ndjesi: “Përshëndetje, gëzon të gjithë kredin mirënjohëse nga ana ime. Performanca juaj më imponon respekt, pse jo dhe ndjesi. A u sqarove me avokatin rekomandues. Problemi yt sinqerisht me diktoi keqardhje, mos hezito me SMS apo tel. Do të mirëpres, respekte. Ok?”.
Ajo edhe pse mbeti e habitur nga ky mesazh, i ktheu përgjigje: “Shumë faleminderit për gjithçka. Jam shumë mirënjohëse për bujarinë dhe mirëkuptimin tuaj. Me avokatin u mora vesh, keni urimet më të mira nga ana ime dhe Zoti ju bekoftë ju dhe familjen tuaj”.
Po 32-vjeçarja e surprizuar nga sjellja mjaft e konfidenciale e Çobos, pyeti babanë e saj nëse e njihte këtë gjyqtar dhe ai i tha që po. Kjo bëri që kallëzuesja të mendonte se ndoshta ky ka qenë shkaku pse gjyqtari i fliste aq përzemërsisht me të.
E këtu nis kalvari i mesazheve dhe telefonatave që iu kthyen në makth. Madje kur bezdia arriti kulmin 32-vjeçaria shkoi me të një një lokal, ku spozohej se do të bisedonin rreth çështjes gjyqësore të 32-vjeçares, gjë që nuk ndodhi. Në këto rrethana, kallëzuesja regjistroi fshehurazi me celular tre biseda me gjyqtarin Shyqyri Çobo, në të cilat pretendon se i kërkonte të bëhej dashnorja e tij duke i dhënë në këmbim një vendim gjyqësor në favor të saj. Pas këtij momenti ajo nuk mundi të durojë dot më dhe denoncoi.