Ekzistojnë shenja të sigurta, por edhe të thjeshta, të cilat tregojnë për sinqeritetin e tij.

Largimi i shikimit

Kjo është mënyra e sigurt që të dini se diçka po ndodh dhe që diçka nuk është në rregull me tregimin të cilin ju ka thënë. Nëse do të jetë i sinqertë, nuk do të frikësohej që t’ju shikojë drejtpërdrejt në sy.

Nuk mund të përsërisë atë që jua ka thënë

Nëse dyshoni në sinqeritetin e tij, që ditën e nesërme apo pas pak ditësh kërkoni që t’ju tregojë sërish (p.sh. le ta ritregojë daljen me shoqërinë, në të cilën ju nuk keni qenë).

Mban duart në xhepa derisa flet

Mbajtja e duarve në xhepa do të thotë që diçka po fsheh. Gjithashtu, nëse luhatet para-prapa, edhe kjo është një shenjë që nuk po ta thotë të vërtetën.

I pavendosur para se të japë përgjigjen

Është tregues i rëndësishëm që nuk po ju thotë të vërtetën. Mbajeni në mend që pavendosmëria kurrë nuk është shenjë e mirë.

Shqetësimi

A luan me unazën të cilën e ka në dorë? Është i zënë rreth rregullimit të thonjve? A i rregullon shpesh flokët me gishtërinj apo mban dorën në mjekër? Të gjitha që u përmendën janë shenja shqetësimi dhe nervozizmi, të cilat tregojnë se ai nuk është i sinqertë.