Një trajtim për të gjithë trupin, i denjë për t’u futur në filmat fantashkencë, po fiton gjithmonë e më shumë popullaritet në Australi. Por jo vetëm kaq, pasi metoda e re mund të përdoret edhe si trajtim mjekësor në mënyrë që trupi të rekuperojë nga dëmtime apo probleme të ndryshme. Bëhet fjalë për krioterapinë, e cila stimulon përgjigjen e trupit ndaj të ftohtit në mënyrë që të zvogëlojë fryrjet dhe inflamacionin. Vetëm se ka një problem të vogël, do t’ju duhet të duroni temperaturat e ulëta që shkojnë deri në -140 gradë. Kjo metodë përdor nitrogjen kriogjenik i cili ul temperaturën e lëkurës me 30 deri në 50 gradë, dhe ia del të djegë 800 kalori në vetëm 3 minuta. Trajtimi në fjalë nuk është i panjohur pasi është përdorur shpesh nga atletët, të cilët pretendojnë se i shpejton rekuperimet nga dëmtimet. Ia vlen ta provoni, nëse jua mban!