Leshmanioza është një sëmundje parazitare, që kalon nga qeni në qen nëpërmjet një mushkonje që del në periudhën e verës. Kjo mushkonjë, nëse pickon një qen të infektuar mund të pickojë edhe njeriun, duke i trasmetuar atij këtë sëmundje. Sëmundja vihet re fillimisht nga aktiviteti i qenit. Aktiviteti i këtij të fundit do të zbresë nga 10-50% dhe do të shohim që qeni është i pafuqishëm. Gjthashtu në mantelin e tij, do të vëmë re tharje të lëkurës, tharje dhe humbje të qimes, si dhe mund të ketë edhe kruajtje të shpeshta.

Me avancimin e sëmundjes do të vëmë re dobësim të muskujve te kafka dhe rritje të shpejtë të thonjve. Sigurisht që ka kura për këtë sëmundje. Fillimisht bëhen analiza për të parë gjëndjen e mëlçisë dhe veshkave. Glukantina është një ilaç që bëhet me injeksion për 28 ditë ose 4 javë, i cili është më i miri për kurimin e kësaj sëmundjeje.

Gjithashtu ekziston dhe një tablet i quajtur albopurinol, i cili është shumë i thjeshtë për t’u gjetur dhe ky medikament duhet mbajtur për një vit. Kjo është një sëmundje e kurueshme, ndaj asnjë pronar nuk duhet të trembet nga ajo. Por ka edhe masa parandaluese. Ekziston një rrip që quhet skalibor i cili është një rrip antiparazitar. Me këtë rrip ju mund t’i kurseni vetes dhe qenit tuaj probleme të ndryshme të shkaktuar nga parazitët.