Në puntatën e sotme të “Përputhen”, Shkëlqimi tha se Sindi shfaqet ndryshe në ekran dhe ndryshe është në të vërtetë. Ai komentoi disa nga sjelljet e saj, duke thënë se njerëzit si ajo, sipas tij, janë askushi.

“Para se të hyja në program, të shihja në televizor, shihja Sindin që qante dhe prekej. Mendoja çfarë kanë këto që e sulmojnë se shih sa e mirë është…ti ke një talent që njerëzit që të shohin jashtë mbarojnë për Sindin, i duket Sindi vajza më gjynah, për të cilën interesohen të gjithë. Njëjtë kam qenë dhe unë. Në momentin që erdha këtu Sindi ishte shumë mirë, vinte fliste, në atë kohë ke qenë e deklaruar për Muratin. Erdhi dita që Murati del me Olën dhe të thashë Sind çfarë do ndodhë me ty nëse Murati s’do të dalë me ty? Do largohem the. Një nga ato çunat, jo një por i vetmi kam qenë unë që të kam kërkuar të riktheheshe. Kjo nuk u mor fare për bazë po ditët në vijim as mirëmëngjes nuk thua, iher nuk jam mirë, s’jam në terezi, si çdo njeri tjetër dhe unë të kam çuar mesazh me të pyet si je, fare as mesazhin nuk ma hap. Njerëzit kështu për mua janë askushi. Ajo që më ka rënë më shumë në sy është kur i ke thënë Mevlanit po ti nga Kavaja je, gjëja më e ulët që e ke thënë nën zë. Tjetra është ajo që i ke thënë Aristelës (ke 300 kile më shumë). Të lutem mos kërko nga tjerët të të kërkojnë falje, kur ndërkohë ti bën akuza dhe ofendon! Mos e bëj veten kështu”, i tha ai.

Komenti i tij për të nuk u prit aspak mirë nga Sindi. Sipas saj, konkurrentët në studio shpifin për të për të ngritur imazhin e tyre.

“Mos u mundoni të më ulni mua dhe figurën time për të nxjerrë veten mirë. Mos shpifni për mua për të nxjerrë veten mirë! Mos e bëni më këtë gafë! Mos u merrni me imazhin e Sindit duke e ofenduar dhe sharë! Turp t’iu vijë! Të jetë hera e fundit”, iu kthye konkurrentja.