Ndërsa ende nuk është e sigurtë nëse do të ulet në stolin e Mançester Junajtid, Hose Mourinjo ka marrë një ofert për të drejtuar përfaqësuesen e futbollit në Siri.

Sipas britanikes “The Sun”, ekipi kombëtar sirian ka kërkuar që Mourinjo të bëhet trajner i saj pasi ata besojnë se nën drejtimin e ish-trajnerit të Chelsea-s munnd të kualifikohen në Kupën e Botës 2018.

Madje, përfaqësues të federatës siriane e kanë shprehur dëshirën e tyre duke i dërguar edhe një letër teknikut portugez.

“Dëshirojmë që ju të dini se ne jemi të hapur për të negociuar me ju kushtetet e nënshkrimit, pasi të dyja palët të arrijnë marrëveshjen”, thuhet në letër.

Pak muaj më parë u tha se Mourinjo kishte nënshkruar me “Djajtë e Kuq”, por mediat britanike e kanë vënë sot në dyshim duke shkruar se Van Galit mund t’i rinovohet kontrata.