Reshjet e dendura që kanë pushtuar vendin po shkaktojnë përmbytje në shumë zona të vendit. Disa rrugë nacionale janë bllokuar si pasojë e motit të keq. Në foto duken punonjësit e emergjencave dhe ushtrisë duke punuar për zhbllokimin e rrugëve në Llogara, Rradhimë, Mbikalimi i Saukut dhe Viroi në Gjirokastër.

Forcat e Policisë së Shtetit, Zjarrfikësve dhe Ushtrisë ndodhen në terren, në ndihmë të banorëve të prekur nga përmbytjet në të gjithë vendin.

Në Jug të vendit janë përqëndruar forcat për përballimin e situatës dhe evakuimin e njerëzve të rrezikuar. Vlora e Fieri po përballen me përmbytje. Vjosa ka dal nga shtrati duke permbytur banesat pranë.