Ndëshkimi i fëmijëve mund të inkurajojë sjelljen e tyre të dhunshme kur ata rriten. Një studim i ri i kryer nga ekspertët kanadezë tregon se ka më pak dhunë mes të rinjve që jetojnë në vende që kanë ndaluar ndëshkimin fizik. Ekipi i studiuesve analizoi të dhënat e mbi më shumë se 400,000 adoleshentëve midis moshës 13 dhe 17 vjeçare, nga 88 vende, territore dhe shtete protektorate, në periudhën 2003-2014. Gjetjet treguan se kishte 31% më pak sjellje të dhunshme në mesin e djemve dhe 58% më pak në mesin e vajzave në vendet ku ndalohet ndëshkimi fizik. Vendet me legjislacionin që zbatonin një ndalim të plotë për goditjen e fëmijëve kanë përjetuar ritme të luftës fizike deri në 69% më të ulëta sesa ato që nuk e aplikonin. Në vendet me një ndalim të pjesshëm, ku dënimet e tilla vetëm në shkolla, studimi nuk gjeti asnjë rënie të shkallës së dhunës tek djemtë. Por sjellja e dhunshme në mesin e vajzave ra me 56% krahasuar me vendet ku ekzistonte një ndalim. Legjislacioni që ndalon përdorimin e ndëshkimit trupor ekziston në vetëm 60 shtete, duke lënë më shumë se 600 milionë fëmijë nën moshën 5 vjeç në mbarë botën të ekspozuar ndaj disiplinës fizike të sanksionuar, sipas të dhënave të Unicef. Edhe kur ligji kufizon një dhunë të tillë, disa prindër dhe kujdestarë e shohin atë si një të keqe të domosdoshme për t'u mësuar fëmijëve të drejtë nga e gabuara. Analiza Unicef e modeleve të sjelljes në 94 shtete zbuloi se 75% e 2 deri 4-vjeçarëve (afër 300 milion foshnjeve) përjetojnë agresion të dhunshëm fizik ose psikologjik të rregullt nga kujdestarët e tyre. Qortimet fizike u konsideruan si pjesë e domosdoshme e rritjes dhe edukimit të fëmijëve nga rreth 1.1 miliardë kujdestarë. Por studiuesit thonë se ky model ndëshkimi lidhet me agresionin, problemet e vetëvlerësimit dhe sjelljet anti-shoqërore gjatë adoleshencës dhe në moshë madhore.