Vendimi i Liberty Media për të hequr vajzat bukuroshe që shoqëronin pilotët para garës se Formula 1 apo edhe në podium pas përfundimit të saj ka krijuar shumë reagime dhe thuajse të gjithë kanë dalë kundër tij.

“Turp, ky është një vendim kundër grave, një diskriminim”, ka reaguar i pari Niki Lauda, që ka thënë se “nëse Liberty Media nuk donte që disa vajza seksi të shpalosnin hiret e tyre, mjaftonte t’i vishte ato pak më shumë”, duke u tallur.

Vendimi

Claire Williams, një nga drejtueset e makinës britanike Williams ka qenë kundër vendimit:

“Sporti ynë kishte nevojë për to. Një vendim i kotë, pasi ne duhet të ecim me kohën dhe ato janë kudo pjesë e spektaklit”.

I të njëjtit mendim edhe Bernie Ecclesonte, ish-pronari i Formula 1, njeriu që i afroi vajzat seksi për herë të parë në këtë sport disa dekada më parë.

“Nuk kanë fyer kurrë askënd, ndërkohë që fansat i adhurojnë gjërat e bukura”, tha Ecclesonte.