Pas publikimit të lajmit që dy infermierë të spitalit të Beratit janë prekur nga fruthi nga një pacient 17-vjeçar, pranë IN TV ka mbërritur një denoncim. Një nga punonjësit e këtij spitali denoncon drejtuesit e Spitalit Rajonal të Beratit se po i i kërcënojnë që mos të flasin rreth kësaj ngjarjeje të rëndë. Skandali rritet edhe më shumë pasi infermierja e prekur është 3 muajshe shtatzënë dhe por rrezikon edhe fëmijën.

Ja një pjesë e denoncimit:
“Tek ne ka plasur fruthi dhe nuk po na mbron asnjë. Shoqja ime është shtatzënë 3 muajshe, e ka zënë fruthi dhe ne na kanë dhënë urdhër mos të tregojmë. Po puna është se na mbajnë nën presion. Punojmë pa asnjë mbrojtje, as doreza, as maska”.

Punojnë pa asnjë kusht, e madje kërcënohen me vendin e punës, edhe pse morën guximin për të denoncuar rastin, punonjës të spitalit nuk ngurojnë të thonë se ndihen të kërcënuar nga drejtuesit e tyre. 

Ja një pjesë e denoncimit:
“Dhe mjeket nuk i tregojnë infermiereve për rastet që kanë qenë me fruth. Kartelat i mbajnë të fshehura. Edhe ne na mbajnë nën presion. Se po e morën vesh këta direkt me heqin nga puna”.

Denoncimin e plotë ju ftojmë ta ndiqni në edicionin qëndor të lajmeve në IN News në orën 18:30.