Loredana dhe Mozzik janë emrat më të përmendur momentalisht në botën e repit. Çifti janë bërë prindër prej vetëm pak muajsh dhe njëkohësisht po shijojnë suksesin e këngëve të tyre. Së fundmi ata janë vënë në qendër të vëmendjes së revistës zviceriane “Weltwoche”, e cila në një shkrim të publikuar i cilëson shqiptarët si njerëz që “thonë fjali që janë aq të thjeshta sa kokat e tyre tullace”. Loredana përshkruhet si një këngëtare e suksesshme me shumë ndjekës dhe me shumë klikime në Youtube. Megjithatë, në shkrim theksohet se ajo flet për Mercedes të zinj dhe drogë në këngët e saj duke i përdorur këto gjëra kundër shqiptarëve.

“Shqiptarët në botën e jashtme nuk e kanë të lehtë, sepse përherë maten me ata pjesëtarët e përhershëm të shtresës së ulët, që udhëtojnë pesë veta tok me ‘Mercedes’ të zinj, kanë kafka të rrafshëta në pjesën e pasme dhe thonë fjali, të cilat janë aq të thjeshta sa kokat e tyre tullace. Ata mendojnë se janë njerëzit më ‘cool’ në botë, se vajzat presin vetëm ata dhe se një thikë thotë më shumë se një mijë fjalë”, -shkruan ndër të tjera revista, sipas Dialog Plus. Ndërsa për Mozzik-un thotë se "në moshën 15-vjeçare ai mendonte të shiste drogë për të ndjekur ëndrrat e tij", duke theksuar se ëndrra e tij është ëndrra e zakonshme e të gjithë burrave shqiptarë për të pasur shumë para, një Mercedez dhe një grua të ulur në vend të parë.

E teksa ky lajm bëri xhiron e rrjetit në të gjitha mediat online, nuk mund të mungonte dhe një reagim i Mozzik-ut. E keni parasysh shprehjen që “goja mbyllet me punë”? Këtë sapo na e vërtetoi Mozzik me anë të një postimi në Instagram ku tregoi suksesin e këngës “Romeo&Juliet” në Gjermani aty ku renditet në vendin e dytë.

“Maspari..krenar qe jom Shqiptar ?? Pastaj edhe n'shtetin Gjerman nuk po mungon perkrahja s'bashku me grue @loredana kapum vendin e dyte ne gjithe Gjermanine per shitjen e kenges " Romeo&Juliet " #2

Faleminderit t'gjithve ! Pafsha gjithmonë shqiptarë tu i'a mjel c**** evropës ?? ?”, shkroi Mozzik në reagimin e tij.

View this post on Instagram

Maspari..krenar qe jom Shqiptar ?? Pastaj edhe n'shtetin Gjerman nuk po mungon perkrahja s'bashku me grue @loredana kapum vendin e dyte ne gjithe Gjermanine per shitjen e kenges " Romeo&Juliet " #2 Faleminderit t'gjithve ! Pafsha gjithmonë shqiptarë tu i'a mjel c**** evropës ?? ?

A post shared by MOZZIK (@mozzik) on Feb 8, 2019 at 1:59pm PST