Prej ditësh një ndër lajmet më të komentuara në mediat rozë është tradhëtia e bujshme që partneri i Khloe Kardashian, i bëri kësaj të fundit me mikeshën e familjes, Jordyn Woods.

Jordyn jetonte në vilën e Kylie Jenner, motrës së Khloes dhe ishte në çdo event të familjes prej disa vitesh ndaj ajo që ndodhi mes tyre u konsiderua një tradhëti e shumëfishtë. Edhe pse në gjendje të rëndë psikologjike raportohet se Jordyn ka fajësuar alkoolin për puthjet që shkëmbeu me Tristan Thompson.

Sipas “People”, Jordyn ka shpërthyer në lot kur i kanë thënë që ka puthur Tristanin, pasi për shkak se e kishte tepruar me pijen gjatë festës, ajo nuk mbante mend asgjë ç'kishte ndodhur.

21-vjeçarja i është lutur familjes Kardashian që t'a falnin, sepse asaj nuk i kujtohej asgjë nga puthja dhe ka pranuar se ka qenë një gabim idiot që e ka bërë e dehur. Jordyn ka rrëfyer se mes tyre nuk kishte pasur flirt më parë dhe gjithçka kishte ndodhur vetëm brenda asaj nate.