Donika dhe Skënderbeu, pasi u “martuan” tre ditë më parë në Kaninë mbase “muajin e mjalit” kanë vendosur ta kalojnë në kryeqytet. Deputeti i PS, që improvizoi dhe këtë dasëm i ka shoqëruar ata në Bashkinë e Tiranës. Personazhet janë pritur nga Kryebashkiaku, Erion Veliaj që dhe ka shkrepur disa foto me ta, por la e një shënim: “Kur të vjen Skënderbeu në Bashki. Çfarë kënaqësie e krenarie e jashtëzakonshme të prisja në Tiranë delegacionin e komunave arbëreshe! Faleminderit Fate Velaj e miqtë nga Shqipëria e Kosova që i mikpritën!”

Ky vit nga qeveria është shpallur "Viti i Skënderbeut", ndaj janë parashikuar me dhjetra aktivitet të këtij lloji.