Skënderbeu bën goditjen e rradhës në merkaton dimërore. Në minutat e fundit drejtuesit korçar kanë arritur të sigurojnë shërbimet e sulmuesit nigerianin të Laçit, James. Formula e transferimit është e tillë, që Laçi do të zotërojë 50% të kartonit të futbollistit, ndërsa 50% do i takojnë Skënderbeut. Kjo formulë transferimi është e re për merkaton e ekipeve shqiptare, e Laçi kërkon të përfitojë nga mundësia e shitjes së lojtarit në një ekip evropian, siç bëri Skënderbeu me dy lojtarët e saj Berisha dhe Olaynka. James deri më tani ka qënë lojtari kryesor i laçianëve, ku ka shënuar gola të rëndësishëm për ekipin e tij. Kujtojmë që në 2012 James u ble nga Bylis e më pas u transferua tek Tomorri. Nga 2014 ka mbrojtur ngjyrat e Laçit duke spikatur me lojën dhe golat e tij.