Mbrëmjen e së hënës në Skoci "nata u bë ditë". Kështu, banorët nga Invernesi deri në Edinburg u bënë dëshmitarë të një drite të fortë të miksuar mes së bardhës dhe blusë.

Drita u shoqërua edhe me një zhurmë të fortë dhe të çuditshme për rreth 10 sekonda.

Sipas medieve vendase, fillimisht u fol për një stuhi, por ishin shërbimet meteorologjike që rrëzuan këto pretendime. Më pas u përfol për një ‘boom’ supersonik, por edhe kjo u hodh poshtë pasi në zonë nuk ka asnjë bazë ajrore.

Ndërsa, dëshmitarët e fenomenit besojnë se shkaktari i gjithë këtij ishte një meteor, i cili sapo ka rënë në kontakt me atmosferën është djegur me shpejtësi duke shkaktuar si dritën ashtu edhe zhurmën.