Snap, kompania e kryesuar nga aplikacioni Snapchat, ka në plan të lançojë një palë syze të reja Spectacles, të cilat duhet të mbërrijnë në dyqane në kohë për blerjet e Krishtlindjeve. Sipas informacioneve, duke iu referuar faqes së internetit Cheddar, syzet e reja do të jenë të koduara me emrin "Newport" dhe do të karakterizohen nga materiale dhe funksione më të mira se modelet e mëparshme, të cilat nuk kanë arritur sukses të madh te publiku.

Syzzet në fund të vitit 2018 do të jenë me një kornizë alumini dhe një kamera të dyfishtë, të aftë për të prodhuar efekte të realitetit të shtuar (AR) në video. Çmimi do të jetë 350 $, më shumë se dyfishi i dy syzeve të para të vendosura për shitje nga kompania në 2016.
©insmart.al