Ata kanë qenë të pranishëm në 1 vjetorin e nismës “Një fundjavë ndryshe” dhe kështu këngëtarja u rikthye sërish në vëmëndjen e lajmeve rozë.

Por edhe pse u mundua ta ruante këtë marrëdhënie larg syve kureshtarë, kurioziteti se si janë njohur është mjaft i madh. E ftuar në emisionin “NIN”, Soni rrëfeu për herë të parë historinë e kësaj njohjeje.

"Është spekuluar se jemi njohur në palestër, por në fakt, jo. Ka qenë nëpërmjet një mikeshës tonë të përbashkët, ka qenë një takim i rastësishëm. Unë e kisha takuar edhe herë të tjera, por nuk e mbaja mend. Ai as nuk më ka parë, domethënë më njihte si këngëtare, por asgjë më tepër. Unë e kam pasur në profil. Ka qenë punë e pasurive të patundshme, apartamente, që është edhe biznesi i tij...por nuk e mbaja mend. Takimi ishte krejt i rastësishëm. Mikeshës time të ngushtë s’ia merrte mendja që miku i vjetër i saj dhe mikesha e vjetër e saj mund të bëheshin bashkë. Pas festë së ditëlindjes së mikeshës, unë po prisja në parking. Roja i parkingut më vonoi makinën dhe duke pritur e pashë. Aty, ai kaloi dhe... diçka ndodhi. U pamë përballë. Unë në fakt e ngatërrova, por pastaj thashë ‘mos është ai që njoh?’. Atij i shndritën sytë, buzëqeshi dhe kështu ndodhi’”, tregoi ajo.