Kujtim Gjuzi, nga listat e Partisë Demokratike, bëri sot betimin në Parlament, duke iu shtuar numrit të deputetëve opozitarë. 

Ai replikoi me kryetarin e Kuvendit, Gramoz Ruçi kur i kërkoi të merrte fjalën për t’i bërë pyetje guvernatorit të Bankës së Shqipërisë, Gent Sejko.
“Kemi kryetarin apo sot jeni të gjithë kryetarë?”, iu drejtua Gjuzi kreut të Kuvendit. “Në parlament flitet vetëm me leje”, iu përgjigj Ruçi.
Por ajo që tërhoqi më shumë vëmendjen ishte veshja e tij, sidomos papjoni i kuq.
Gjuzi mesa duket e ka vlerësuar ditë shumë të veçantë këtë të sotmen e për këtë është 'investuar' që të duket sa më i kombinuar në veshje.