Në industrinë e modës kanë spikatur disa modele dhe kanë shënuar një epokë të tërë nëpër sfilata. Respektivisht, i kanë dhënë modës një nivel tjetër bukurie dhe kanë bërë revolucion. Të nderuara nga bota e modës si yje të vërteta, modelet e viteve ’90 kanë lënë gjurmë të pagabueshme bukurie. Kemi dëgjuar se gjenet e bukura gjenden brenda familjes. Por, jo vetëm!! Mjafton që të shohim ngjashmëritë mes ikonave tona të modës së viteve ’90 dhe ato të ditëve moderne, dhe do të ndryshojmë menjëherë mendim për këtë shprehje. Në emisionin “Fun Day” me moderatoren Fatma Methasanin është prezantuar pikërisht një dyshe shumë interesante që përveç profesionit dhe pasionit të njëjtë që kanë për modën dhe modelingun, ato kanë edhe ngjashmëri fizike.

Claudia Schiffer dhe Gigi Hadid

Të dyja modelet janë zbuluar nga Paul Marciano, i “Guess”. Përpos këtij fakti, modelet e suksesshme kanë ngjashmëri fizike: bionde, sy bojëqielli. Claudia, një modele e suksesesshme në vitet 90’, ndërkohë që tani vendin ia ka lëne Gigi Hadid, si pasardhsja e saj e denjë e cila po pushton çdo kopertine reviste dhe pasarelë mode.