Protesta e studentëve vazhdon sërish edhe sot. Studentët e ngujuar janë shtuar në pjesën më të madhe të fakulteteve të Tiranës dhe po vijojnë të këmbëngulin në realizimin e 8 kërkesave të tyre.

Për herë të parë sot janë ngujuar dhe studentët e Politeknikut.
Ata kanë bllokuar hyrjen dhe kanë nxjerrë jashtë rojet e sigurisë private. Ndërsa kanë lajmëruar se në ambientet e brendëshme do lejojnë të futen vetëm profesorë dhe studentët. Mësohet dhe studentët nga Shkodra do tju bashkohen atyre në Tiranë.