Këtë pasdite do të mblidhet Këshilli Kombëtar i PD, për vendimin final për djegien e mandateve të deputetëve demokratë. 

Këtë organ kryedemokrati Lulzim Basha e mbledh dy ditë pasi ai vendosi që opozita të shkojë drejt këtij akti ekstrem. Nga mbledhja e Këshillit Kombëtar të PD nuk priten surpriza. Kjo pasi në të gjitha mbledhjet PD i ka thënë ‘Po’ djegies së mandateve.
Ndërkohë, dorëzimi i mandatit është një akt individual. I vetmi që nuk ka pranuar të djegë mandatin është deputeti i LSI-së, Lefter Koka, i cili ka thënë se mandatin e ka marrë nga qytetarët.