10 vjeçares Noemi, fëmija e fundit e mbetur gjallë nga aksidenti tragjik i ditës së diele është ndarë ditën e djeshme nga jeta.

Ditën e sotme ajo është përcjell për në banesën e fundit pranë babit, motrës 5 vjeçe dhe vëllait 9 muajsh.

Nxënësit dhe stafi i shkollës ku studionte vogëlushja nga Velipoja kanë publikuar një mesazh prekës në rrjete sociale., ku i japin lamtumirën shoqes dhe nxënëses së tyre.

Mesazhi i shkollës “Gjergj Vatë Martini”

Këto ditë, si çdo ditë më parë, fytyrat e buzëqeshura të fëmijëve do i jepnin dritë anë e kënd oborrit të shkollës…

Por jo… Këto ditë, e sot më shumë se kurrë, pikëllimi na ka vërenjtur fytyrat e copëtuar zemrat…

Sot, na mungon Noemi…vajza e ëmbël e klasës së katërt, nxënësja e dalluar, bija e çmuar e familjes Preka!

Pushofsh në paqe, pranë babit, motrës e vëllait, Noemi jonë!

Ne si staf pedagogjik i shkollës, nuk gjejmë fjalë për të ngushëlluar familjen për këtë humbje të madhe!