Pas spektaklit të djeshëm në Madrid, e gjithë vëmendja futbollistike ditën e sotme zhvendoset në Barcelonë.

Sot në orën 20:45 Barcelona do të presë në “Camp Nou” Juventusin për të vendosur përfundimisht skuadrën që do të kualifikohet në gjysmëfinale të Champions Leagues.

Skuadra e drejtuar nga Luis Enrique do të ketë një detyrë të vështirë pasi duhet të përmbysë rezultatin 3-0 të ndeshjes së parë.

Ndërsa një tjetër përballje interesante pritet të jetë ndeshja mes Monacos dhe Borussia Dortmundit ku ndeshja e parë ka përfunduar 3-2 në favor të skuadrës franceze.

Është e përditshmja katalanase “Sport” e cila ka publikuar formacionet e mundshme të dy skuadrave ku ajo që bie në sy është formacioni i Juventusit.