E enjtja është dita kur mbahet seanca parlamentare. Në orën 10:00 do të mblidhet Kuvendi, ku do të mungojë opozita, e cila në këtë sesion parlamentar nuk ka qenë në asnjë seancë plenare. Madje kreu i opozitës ka lajmëruar një tryezë bashkëbisedimi për projektbuxhetin e vitit të ardhshëm. Por çfarë pritet të ndodhë në këtë seancë plenare? Në faqen zyrtare është publikuar rendi i ditës, ku ndër pikat e programit të sotëm është edhe votimi i dekretit të Presidentit Ilir Meta për emërimin e Ministrit të Brendshëm.
Po ashtu në seancën e sotme pritet të diskutohet për projektligjin e ‘Buxhetit 2019’ si dhe pritet të miratohen projektligjet e mbetura të mbartura nga seancat e shkuara.
Ditën e sotme pritet gjithashtu të mungojë përsëri opozita, ndonëse ende nuk ka një njoftim zyrtar për planet e kësaj të fundit.