Presidenti i Serbisë, Aleksandër Vuçiç, ka ashpërsuar retorikën kundër njohjes së pavarsisë së Kosovës. Këtë të mërkurë ai vjen në Tiranë në samitin e samiti i Brdo-Brijunit, por duket se e ka thënë edhe fjalën e fundit kundër pavarsisë së Kosovës.
“Mund të më vrisni, por ajo nuk do të ndodhë”, citohet të ketë thënë Vuciç, shkruan “Tanjug’. “Ju them, anglezëve dhe gjermanëve se nuk do ta bëjë atë. Më goditni, por unë s’do ta bëjë. Mund të jem president edhe për 15 vjet, por Vuçiç nuk e njeh Kosovën”, raportojnë mediat në Kosovë.
Ai ka thënë se nuk ka mundur që të gjejë zgjidhjen për Kosovën, pasi siç është shprehur “secili u çmend”. Këto deklarata Vuçiç i ka thënë duke ju drejtuar faktorit ndërkombëtar.