Kryeministri spanjoll, Mariano Rajoy është gati të përdorë masa shtrënguese për të penguar zhvillimin e një referendumi mbi pavarësinë e Katalonjës, të premtuar nga presidenti katalanas separatist Carles Puigdemont brenda muajit shtator, sipas medias spanjolle.

“Rajoy i gatshëm të pengojë referendumin me frocë”, shkruan “El Mundo”.

“Qeveria përgatit masa shtrënguese kundër referendumit”, sipas Abc-së.

Këto të përditshme citojnë burime pranë presidencës së qeverisë spanjolle  dhe referojnë se Madridi mund të marrë kontrollin e “Mossos d’Esquadra”, policia rajonale katalanase, dhe të ndalojë hyrjen në vendvotime elektorale që do të vendosin qeverinë katalanase.