Sulmuesi i Monaco, Radamel Falcao, është nderuar në vendlindjen e tij në Kolumbi me një statujë gjigante, por ka një problem. Personazhi i paraqitur në skulpturë nuk i ngjason aspak. Statuja 20 metra e gjatë është vendosur në Santa Marta, në Kolumbi, atje ku ai ka lindur.

Statuja e bardhë paraqet Falcao me dy gishtat tregues drejt qiellit, një mënyrë si sulmuesi i feston golat e shënuar, por fatkeqësisht askush nuk mund ta dallojë se ajo statujë është për nder të 32-vjeçarit, sepse nuk i ngjason aspak atij.

Por artisti që e ka bërë, Antonio Irisma Arias, tha për “El Tiempo”: “Për disiplinën, përkushtimin dhe mënyrën si lufton, Falcao është një idhull për të gjithë vendin tonë Santa Marta dhe për këtë vendosëm këtë statujë. Të gjithë e dinë që ai është Falcao dhe atë që përfaqëson për ne. Respekti dhe dashur për të nuk njeh kufij.”