Stina e pranverës është “sezoni” më i përshtatshëm për kultivimin e lëndëve narkotike. Ndaj dhe shumë qytetarë në mbarë vendin, duket se nuk i janë “trembur” uniformave blu, dhe kanë zgjedhur të kultivojnë lëndë narkotike. Por dy persona janë arrestuar në Shkodër me akuzën e kultivimit të bimëve narkotike. Të arrestuarit janë Pal Pepaj, 37 vjeç, banues në fshatin Grudë e Re dhe Lazër Lumi, 52 vjeç, banues në fshatin Vilë.

Policia, në afërsi të një banese në fshatin Vilë gjeti një serë të mbjellë me 1050 kubikë me filiza kanabisi.

Ndërkohë mësohet se policia gjeti edhe një armë zjarri dhe municion.