Reperja Tayna pa veten në një kronikë lajmesh ku me titra shkruhej: “Stop këngëve që promovojnë drogën”. Siç duket kjo nuk i ka pëlqyer aspak reperes ndaj ka reaguar me një shpjegim të gjatë ku shpjegoi se ajo vetë nuk konsumon as duhan dhe se këngëtarët nuk kanë rolin e prindërve, e se fëmijët janë në duart e familjes jo artistëve. Ajo shprehet se këngëtarët argëtojnë të rinjtë dhe se vendi ka probleme më të mëdha se kaq.

“Në një shtet që vetë nuk mundet të ndalojë përdorimin e lëndëve narkotike ose shumë gjëra të tjera, nuk ma merr mendja që ne si artistë kemi shumë peshë të madhe në veprimet e njerëzve. Ne vetëm këndojmë dhe mundohemi të argëtojmë popullin. Unë vetë nuk përdor asgjë nga këto, madje as duhanin që shumica juaj e pi, nuk e konsumoj, që gjithashtu është i dëmshëm. Kush do ta përdori ne nuk e ndalojmë dot. Kush nuk do, nuk ja japim me zor.

Tek e fundit, nuk kemi rolin e prindërve për të edukuar askënd. Ky është vetëm një zhaner i muzikës që ka tema të tilla e dëgjohet prej atyre që e pëlqejnë. Ju jeni rritur me muzikën Rock që po ashtu ka patur të tilla tema. Nuk duhet të merret personale asgjë që thuhet në tekstet e këngëve. Asnjëherë të rinjve nuk ua rekomandoj të përdorin lëndë të tilla. E fëmijët tuaj, e keni ju në dorë çfarë i lejoni e çfarë s’i lejoni të dëgjojnë, të shohin apo si i edukoni. Besoj që kemi probleme më të mëdha në këtë shtet…” shkruante Tayna në Instagram.

View this post on Instagram

Ne nje shtet ku vet nuk mujn me ndal perdorimin e narkotikve ose shume gjerave tjera nuk ma merr mendja qe na si artist kemi shume peshe t’madhe n’veprime t’njerzve.Na veq knojm edhe mundohemi me argetu popullaten.Une pervete nuk perdori asgje nga keto,bile as duhanin qe ju shumica e perdorni e qe poashtu eshte shume i demshem.Kush don me perdor,na sun e ndalim.Kush nuk don,na nuk mujm me shti.Tek e fundit nuk e kemi rolin e prinderve per me eduku aske.Ky eshte vetem nje zhaner i muzikes qe ka tema te tilla e qe degjohet vetem prej atyre qe e pelqejn.Ju jeni rrit me muziken Rock qe poashtu ka pasur tema te tilla.Nuk duhet me marr personale asgje qe thuhet ne tekste te kengeve.Asnjehere te rinjeve nuk iu rekomandoj te perdorin lende te tille.E femijet tuaj jane ne doren tuaj qfare i lejoni e qfare s’i lejoni me degju, me pa ose si i edukoni.Besoj qe kemi probleme ma t’mdhaja n’shtet...

A post shared by Tayna (@tayna) on Jan 23, 2019 at 11:58am PST

Por si u gjend Tayna në atë kronikë lajmesh? Emri i saj u përmend nga deputeti I LDK-së Haxhi Avdyli, që duket se nuk është aspak dakord me këngët ku promovohen substancat narkotike. Ai ka kërkuar nisjen e një nisme ligjore që ato të ndalohen me ligj.

“Si ta lëshojë televizorin ka me pa këngë marihuana, kokaina, kolumbiana ajo s’di kush është ajo Tayna, krejt janë këngë me promovim të drogës, duhet me i ndalu ligji”, ka deklaruar Avdyli.