Reperi i njohur Arkimed Lushaj, apo siç njihet ndryshe ‘Stresi’, prej disa ditësh ndodhet pas hekurave, pasi u arrestua nga policia si pjesë e një grupi kriminal në fushën e trafikut të narkotikëve dhe krimeve kundër personit. Në hotelin ku u arrestua në flagrancë ishte edhe një femër tjetër, por identiteti i së cilës nuk u tregua dhe ajo u la e lirë.

Ndërkohë që ditën e djeshme ai hoqi dorë nga gjyqi ku pritej të shqyrtohej masa e sigurisë arrest me burg. Tërheqja e ankimimit të vendimit është bërë nëpërmjet avokatit të tij, ndërsa pretendimi i Stresit është se ai nuk kishte besim tek drejtësia shqiptare.

Stresi:

“Dua te rri ne burg, pasi nuk kam besim te drejtësia”, kështu mësohet të jetë shprehur përmes avokatit të tij Stresi.

Sali Lushaj, babai i reperit ka shpjeguar në një postim, se kishin hequr dorë nga vendimi për të ankimuar masën e sigurisë, pasi sipas tij, gjyqtarja e cila ishte zgjedhur me short ishte militante e majtë.

Ai shkruan në Facebook:

E pamë të udhës dhe më të drejtë të mos dalë një i persekutuar politik përpara kësaj gjyqtareje militante të partisë, duke mos pasur pikën e besimit në dhënien e drejtësisë për Stresin. Dua t’ju bëj me dije se gjithë ajo bujë e madhe si organizator dhe si drejtues e si janë mësuar këta etërit e tyre në emër të popullit është shfryrë dhe nuk po dinë si të bëjnë. Askënd deri më sot nuk po mund ta bëjnë të dëshmojë kundër Stresit."