Më 17 tetor Stresi u arrestua nga policia në një hotel në Linzë, i dyshuar për trafik droge. Por ajo për të cilën u përfol më shumë gjatë arrestimit të tij ishte marrëdhënia me të fejuarën Kejsi, pasi reperi u gjet në hotel me një 20-vjeçare.

Bashkëshortja e Stresit, Kejsi ka theksuar edhe njëherë se mbështet plotësisht të shoqin dhe ka besim se ai do të dalë shumë shpejt nga burgu. Në një intervistë të dhënë së fundmi Kejsi tregoi se ndodhet në Kanada dhe është Arkimedi ai që nuk ka dëshirë që ajo të kthehet në Shqipëri, pasi nuk do ta shohë pas hekurave.

Ditën e sotme ajo postoi dy foto të tjera në “InstaStory” nga kujtimet me reperin. Njëra duket se është risjell nga pushimet e çiftit, pasi të dy pozojnë para pishinës së një resorti. Ndërsa në tjetrën, Stresi dhe Kejsi pozojnë të veshur klas.

Në asnjërën prej tyre ajo nuk shkruan asgjë, por në një tjetër foto Kejsi bën një dedikim për qenushin e saj.

“Dei im sa shumë e dua”, shkruan në postim.