Studentët janë mbledhur sërish para Ministrisë së Arsimit për të vijuar protestën e cila sipas tyre nuk do të ndalet derisa të plotësohen kërkesat. Në ditën e gjashtë protestës i janë bashkuar edhe studentët e Shkodrës.

Studentët kanë shtuar kërkesat ndaj ministrisë së Arsimit dhe nuk kanë pranuar të takohen me ministren Lindita Nikolla e cila u ka bërë thirrje për bisedime. Institucioni i ministrisë së Arsimit është rrethuar nga forcat e policisë ndërkohë që numri i studentëve që i bashkohen protestës sa vjen dhe rritet.