Një djalë 23-vjeçar ka humbur jetën pas një ataku në zemër pak minuta para se të hynte në provim. Leutrim Gjini nga Suhareka ishte student i Fakultetit të Mjekësisë në Universitetin e Prishtinës. Ndarja e 23-vjeçarit nga jeta është konfirmuar edhe nga drejtoresha e Klinikës së Gjinekologjisë në Qendrën Klinike Universitare të Kosovës (QKUK), Myrvete Paçarada. Studenti kishte pësuar atak kardiak pak momente para se të futej në provim tek lënda e Gjinekologjisë, ka treguar Paçarada në një prononcim për mediet. Leutrim Gjini ndërroi jetë në Klinikën e Kardiologjisë në QKUK, pas dhjetë orësh përpjekje për ta rikthyer në jetë nga mjekët.