Në një studim të realizuar nga Shkolla e Shëndetit Publik në Harvard thuhej se njerëzit që hanin ushqime pikante pothuajse çdo ditë, kishin rrezik 14% më të ulët për të vdekur krahasuar me njerëzit që hanin ushqime pikante një herë në javë.

Studiuesit vlerësuan informacionin shëndetësor dhe dietat e gati 500.000 njerëzve në Kinë nga viti 2004 deri në vitin 2008, duke i mbikëqyrur ata edhe disa vjet më vonë. Studimi ishte vëzhgimor, kështu që nuk ka treguar se të gjitha ushqimet pikante kanë qenë shkak që njerëzit të jetojnë më gjatë.

Njerëzit që i kanë konsumuar rregullisht erëzat, veçanërisht specat djegës të freskëta, kishin më pak të ngjarë të vdisnin gjatë periudhës së studimit në krahasim me ata që konsuamuan ushqim me erëza më rrallë. “Disa dëshmi nga studime të tjera tregojnë se përbërësit bioaktive që ndodhen në ushqimet pikante, mund të ulin kolesterolin” e keq “dhe trigliceridet si dhe të përmirësojnë inflamacionin”, thotë autori i studimit Dr. Lu Qi.

Ndërkohë duhet të bëhet dhe kujdes pasi ushqimet pikante mund të shkaktojnë rritje të acidit të stomakut tek disa njerëz, duke shkaktuar urth, prandaj është e rëndësishme që para konsumimit të tyre duhet të konsultoheni me mjekun përkatës.