Një stuhi e fortë ka dëmtuar dy minare të vendosura në porta të ndryshme hyrëse të mauzoleumit monumental Taj Mahalit që ndodhet në qytetin indian të Agrit. Zyrtarët i thanë BBC-së se erërat që frynin 130 km/h shkaktuan shembjen e shtyllave prej 4 metrash.

Katër minaret më të larta që rrethojnë strukturën kryesore mbeten të paprekura. Mauzoleumi i shekullit të 17-të tërheq rreth 12,000 vizitorë në ditë dhe është një nga atraksionet më të njohura turistike në botë. Një nga minaret e shkatërruara ishte vendosur në portën mbretërore, ku turistët shpesh kanë parë paraqitjen e tyre të parë të monumentit.

Tjetra ishte vendosur në portën jugore. Autoritetet thanë se puna kishte filluar të rivendoste strukturat e dëmtuara. Sundimtari Mughal Shah Jahan ndërtoi Taj Mahalin në kujtim të mbretëreshës së tij, Mumtaj Mahal. Kjo vepër është shpallur Monument i Trashëgimisë Botërore i UNESCO-s në vitin 1983 si një "xhevahir i artit mysliman në Indi dhe një nga kryeveprat e admiruara universalisht trashëgimisë botërore".